Career Options : बारावीनंतर लेखापाल क्षेत्रात करियरच्या अनेक संधी उपलब्ध, जाणून घ्या तपशील..

Career Options : 'सनदी लेखापाल' म्हणजेच चार्टर्ड अकाऊंटंट CA बद्दल आपणाला अवश्य माहिती असेल चार्टर्ड अकाऊंटंट हे लेखापाल क्षेत्रातील एक उच्चस्थ पद आणि बहुतांश मुलांना लेखापाल क्षेत्रात करियर करायचे असते. यासाठीच आजचे आर्टिकल आपल्यासाठी महत्वाचे आहे. आज आपण लेखापाल म्हणजे काय? लेखापाल यांचे कामाचे स्वरूप कोणते असते? आणि लेखापाल क्षेत्रात करियर करण्यासाठी आवश्यक कौशल्ये कोणती आहेत? त्याचबरोबर लेखापाल क्षेत्रात नोकरीच्या संधी कोठे असतात.? याबद्दलची सविस्तर माहिती पाहणार आहोत. तेव्हा आर्टिकल संपूर्ण वाचा आणि आपल्या आवडीच्या क्षेत्रात करियर करा.

लेखापाल क्षेत्रात करियरच्या अनेक संधी उपलब्ध | Accountant Career Opportunities In Marathi

अकाउंटिंग म्हणजेच लेखापाल हे असे क्षेत्र आहे की या क्षेत्रांमध्ये करिअरच्या विविध संधी नेहमीच उपलब्ध असतात.

लेखापाल म्हणजे काय?

लेखापरीक्षण हे प्रत्येक व्यवसायिक संस्थेसाठी तसेच उद्योगासाठी आर्थिक व्यवहाराचे व्यवस्थापन, नोंदी ठेवणे, ऑडिट करणे तसेच नियोजन करण्यासंदर्भातील एक महत्वाचे काम लेखापाल (Accountant) करत असतात. यालाच अकाउंटंट (Accountant) म्हणजेच मराठी मध्ये लेखापाल असे म्हणतात.

लेखापाल (Accountant) हे एक अतिशय महत्वाचे पद आहे. जगातील एक प्रतिष्ठित आणि उच्चस्थ प्रकारचे करियर म्हणजे अकाउंटिंग हे आहे.

लेखापाल (Accountant) यांचे कामाचे स्वरूप कसे असते?

लेखापाल (Accountant) म्हणून ज्यावेळी आपली ज्या संस्थेत , कंपनी मध्ये किंवा सरकारी खात्यामध्ये नेमणूक होते. त्यावेळी साधारणपणे खालील प्रकारचे कामकाज करावे लागते.

◆ संबंधित कामाच्या ठिकाणी लेखापाल यांना आर्थिक नोंदी , विवरण ( फायनान्शिअल स्टेटमेंट) तयार करावे लागतात.

◆ कर भरणा (Tax) भरण्यासंदर्भातील काम सुनिश्चित करावे लागते.

◆ आर्थिक पैशाचे नियोजन करताना संबंधित संस्था/कंपनी किंवा शासनाला शिफारस करणे की, ज्या मध्ये खर्च कमी होईल आणि महसूल नफा वाढेल या प्रकारची शिफारस लेखापाल यांना करावी लागते.

◆ तांत्रिक प्रणाली मध्ये आर्थिक व्यवहाराचे बॅकअप घेऊन माहिती सुरक्षित ठेवणे.

◆ खर्चाचे ऑडिट करणे, हे देखील काम लेखापाल यांना करावे लागते.

लेखापाल (Accountant) क्षेत्रात करियर करण्यासाठी आवश्यक कौशल्ये

◆ संभाषण कौशल्य - संस्था/कंपनी किंवा ज्या ठिकाणी लेखापाल म्हणून काम केले जाते, तेथील कर्मचारी वर्ग अधिकारी वर्ग यांच्याशी समन्वय साधण्यासाठी तसेच आर्थिक व्यवहाराच्या संदर्भातील व्यवस्थापन, नियोजन करण्याचे मार्गदर्शन प्रशिक्षण कार्यशाळा याद्वारे समजावून देण्यासाठी संभाषण कौशल्याची आवश्यकता असते.

◆ विश्लेषणात्मक कौशल्य - आर्थिक ताळेबंदाचे व्यवस्थित रित्या विश्लेषण करता येणे देखील तेवढेच महत्त्वाचे आहे. यासाठी केलेल्या खर्चाचा हिशोब आणि झालेला खर्च शिल्लक रक्कम अशा प्रकारचं सविस्तर विश्लेषण करता येणे आवश्यक असते.

◆ अकाउंटिंग सॉफ्टवेअर ची माहिती- तंत्रज्ञानाच्या या युगामध्ये सर्वच ऑफिस कार्यालयांमध्ये सध्या ऑनलाईन प्रणाली विकसित होत आहे. यामध्ये लेखापाल संदर्भातील जे काही अकाउंटिंग सॉफ्टवेअर असतील त्या प्रकारची माहिती सॉफ्टवेअरच्या माध्यमातून अपडेट करावी लागते. यासाठी लेखापाल संदर्भातील सॉफ्टवेअरची माहिती असणे आवश्यक असते.

◆ गणितावर प्रभुत्व- अर्थातच अकाउंटिंग क्षेत्र म्हणजे आकडेमोड संदर्भातील क्षेत्र आहे. त्यामुळे गणितातील बारकावे, गणितीय सूत्रे ताळेबंद येणे आवश्यक आहे. की जेणेकरून आपण लेखापाल यांचे कामकाज व्यवस्थित रित्या करू शकतो.

◆ संगणकावर काम करण्याची क्षमता- अकाउंटिंग संदर्भातील संपूर्ण डेटा हा संगणकावर साठवला जातो. त्यासाठी संगणकाचे बेसिक ज्ञान देखील असणे आवश्यक आहे. आणि अकाउंटिंग चे काम हे अधिक काळ संगणकावर केले जाऊ शकते. यासाठी संगणकावर काम करण्याची क्षमता देखील असण्याची आवश्यकता आहे.

अकाउंटिंग लेखापाल क्षेत्रातील करिअर करण्यासाठी उपरोक्त काही कौशल्यांची आवश्यकता असते. आपल्यामध्ये वरील काही कौशल्याची कमतरता असेल तर काळजी करण्याची आवश्यकता नाही, आपण ते करिअर करत असताना ते कौशल्य आपण शिकून त्यामध्ये प्रगती करू शकता.

मुलांना करियर निवडण्यासाठी विविध क्षेत्रातील पर्याय सध्या उपलब्ध आहेत. करिअर निवडण्याआधी मुलांच्या आवडी/क्षमता आणि भविष्यातील संधी लक्षात घेऊन मुलांचा कल कोणत्या क्षेत्राकडे आहे. ते माहिती करूनच योग्य करियर निवडावे. करियर कसे निवडायचे? मुलांच्या मधील क्षमतांचा शोध कसा घ्यावा? याविषयी अवश्य वाचा.

>> स्वत:मधील क्षमतांचा शोध कसा घ्यावा?

लेखापाल (Accountant) क्षेत्रातील नोकरीच्या संधी

लेखापाल क्षेत्रामध्ये विविध पदावर काम करता येते. चार्टर्ड अकाउंटंट (C.A.) हे लेखापाल क्षेत्रातील उच्चस्थ पदावर आपण काम करू शकता. त्यासोबतच सरकारी नोकर भरती मध्ये देखील UPSC/MPSC आणि स्थानिक स्वराज्य संस्था मार्फत अकाउंटंट लेखापाल ची वर्ग-१ , वर्ग-२ , वर्ग-३ ची पदे भरती केली जाते. त्यामध्ये देखील नोकरी करू शकता. तसेच विविध कंपनी / संस्था मध्ये फायनान्स मॅनेजर, फायनान्शियल कंट्रोलर, फायनान्शिअल ॲडव्हायझर, फायनान्शियल डिरेक्टर, सर्टिफाइड पब्लिक अकाउंटंट, चीप फायनान्शियल ऑफिसर, चार्ट मॅनेजमेंट अकाऊंटंट कंपनी सेक्रेटरी अशा विविध पदावर आपल्याला काम करण्याची संधी मिळते.

पात्रता

साधारणपणे लेखापाल क्षेत्रात करियर करण्यासाठी गणितावर कमांड असणे आवश्यक आहे. म्हणजे गणित विषय तुमचा चांगला असावा लागतो. १० वी नंतर आपण ११ वी, १२ वी मध्ये कॉमर्स शाखेतून प्रवेश घेऊन १२ वी नंतर चार्टर्ड अकाउंटंट CA ची तयारी करू शकता किंवा स्पर्धा परीक्षा द्वारे उत्तीर्ण होऊन लेखापाल क्षेत्रात करियर करू शकता. यासाठी आपण अधिक सविस्तर माहिती साठी महा करियर पोर्टल ची मदत घेऊ शकता. महा करियर पोर्टल काय आहे? आणि ते कसे वापरायचे? सविस्तर माहिती येथे वाचा.

[दहावीचा निकाल कधी लागणार आहे? पहा तारीख]